Wednesday, October 8, 2008
at
5:43 AM
|
အဲသည့် နေ့က မိုးတွေရွာနေတယ် ....
ကောင်လေး တစ်ယောက် ဟာ ... လမ်းမကြီး အတိုင်းလျှောက်လာရင်း နဲ့ ... မိုးကောင်းကင် ကို မော့ကြည့်ရင်းနဲ့ တစုံတခု ကို ရေရွတ်တမ်းတနေတယ်အဲသည့် ရွာနေတဲ့ မိုးစက်တွေသာ ... ငွေတွေဖြစ်ရင် ဘယ်လောက်ကောင်းလိုက်မလဲ တဲ့
တကယ်တော့ ကောင်လေးက သူဆင်းရဲလေး တစ်ယောက်ပါ
သူ့မှာ ငွေကြေးဆိုလို့ တပြားတချပ်မှ မပါဘူး
အ၀တ်အထည်ဆိုလို့လဲ ... သူ့ကို ပေါ်က အ၀တ်တစုံ ပဲရှိတယ်
ဝမ်းဗိုက်ထဲမှာ တော့ .. အသံပေါင်းစုံမြည်လို့ပေါ့
သူ ဘာအစာမှ မစားရသေးတာ ... ၄ .. ၅ ရက်လောက်တောင် ရှိတော့မယ် ထင်ရဲ့
ဒီလိုနဲ့ ... မိုးကောင်းကင်ကို မော့ကြည့်ရင်းနဲ့ .. သူ့ဘ၀သူ စိတ်နာနေတုန်း ...
နံဘေးနားကနေ .. ကားတစ်စီး ဖြတ်မောင်းသွားတယ်
နောက်ဆုံးပေါ် ကားအမျိုးအစား ပေါ့
ကားနောက်ခန်းမှာ တွေ့လိုက်ရတာက .. သူနဲ့ သက်တူရွယ်တူ ကောင်လေးတစ်ယောက်
လက်ထဲမှာက စားစရာမုန့်တွေ တပွေ့တပိုက်နဲ့ ....... လမ်းဘေးကကောင်လေးကတော့ ..ေ၀၀ါးလာတဲ့ သူ့မျက်လုံးတွေကို တချက်ပွတ်သပ်ရင်း ... ခြောက်သွေ့စပြုလာတဲ့ .. နှုတ်ခမ်းတစ်စုံကို ကိုက်မိတယ် ... ။ သူကျတော့ ကားအကောင်းစားစီးလို့ .... စားစရာ လဲ အပြည့် အစုံနဲ့ ... ။ ငါ ကျတော့ ... လမ်းဘေးမှာ ... မိုးရေတွေ ရွှဲစိုလို့ .. ။ ဗိုက်ထဲမှာက လဲ ဗလာနတ္ထိနဲ့ ... ။ လောကကြီးက တယ်လဲမတရားပါလားလို့ .. တွေးနေမိတယ် ... ။ အဲဒီ့ အချိန်မှာပဲ ... မည်းမှောင်နေတဲ့ ကောင်းကင်တစ်ခွင်ဟာ ကြောက်မက်ဖွယ် အသံတစ်ခုနဲ့ အတူ ... လင်းလက်သွားခဲ့တယ် ... ။ ပြီးတော့ ... အလင်းတန်းတစ်ခုဟာ သူတို့ရှိရာနဲ့ မလှမ်းမကမ်းကို ကျရောက်လာတယ် .... ။ ကောင်းကင်တစ်ခုလုံး လင်းထိန်လို့ပေါ့ .. ။ အဲဒီအချိန်မှာ ပဲ ... မထင်မှတ်မှုတစ်ခု ဖြစ်ပေါ်လာခဲ့တယ်လေ .. ။ ရှေ့တူရှုကို သွားနေတဲ့ နောက်ဆုံးပေါ်ကားလေးရဲ့ ဦးတည်ရာက ... လမ်းဘေးကကောင်လေးဆီကို တန်းတန်းမတ်မတ်ရောက်ရှိလာခဲ့တယ် ... ။ အံ့အားတသင့်နဲ့ ကောင်းကင်ကို မော့ကြည့်နေတဲ့ ကောင်လေးကတော့ ဒါကို မသိရှာဘူးပေါ့ .... ။ အရှိန်မထိန်းနိုင်တော့တဲ့ နောက်ဆုံးပေါ်ကားလေး ကတော့ ... ကောင်လေးကို လမ်းဘေး က သစ်ပင်ဆီ အရောက် ဆွဲ ခေါ်သွား ခဲ့တယ် ... ။ ကားတစ်စီးလုံးလဲ ... ကြေမွပျက်စီးလို့ ပေါ့ .. ။ ........... ။ ဒီအဖြစ်အပျက်မှာ တရားခံမရှိပါပဲ ... ဘယ်သူ့မှာမှ အပြစ်မရှိပါပဲနဲ့ .... ကားပေါ်က ကောင်လေးရော ... လမ်းဘေးက ကောင်လေးရော ... အသက်ဆုံးရှုံးခဲ့ကြရတယ် ... ။ ဒါပေမယ့် .. တစ်ခုရှိတာက ... ဘယ်သူ့ရဲ့ ဆုံးရှုံးမှုဟာ ပိုပြီးတန်ဖိုးကြီးသလဲ ... ဘယ်သူက ပိုပြီးနစ်နာခဲ့ရသလဲ .. ဆိုတာပဲ ... ။ လူချမ်းသာကောင်လေး က ... သူ့ဘ၀မှာ ပျော်ရွှင်ချမ်းမြေ့စွာနဲ့ နေထိုင်ခဲ့ရလို့ ... သူ့ဘ၀ဟာ .. သေပျော်ပြီလို့ထင်လား .. ဒါမှ မဟုတ် .... ပျော်ရွှင်ချမ်းမြေ့မှုတွေ ဆိတ်သုဉ်းခဲ့ရတဲ့ အတွက် .. သူ့ဘ၀ရဲ့ နိဂုံးဟာ ... အရမ်းကို ဆိုးဝါးနေလား ... ။ သူဆင်းရဲ ကောင်လေးဘက်က ကြည့်ရင်ရော ... သူက ၅ ရက်လုံးလုံး ထမင်းလေးတစ်နပ်တောင် မစားခဲ့ရပဲနဲ့ ... သေဆုံးသွားခဲ့ရတာ ... ဘယ်လောက်များ ... ကြေကွဲစရာကောင်းလိုက်မလဲ ... ။ ပြီးတော့ .. သူ့ဘ၀တစ်လျှောက်မှာ ပျော်ရွှင်မှုတွေ ချမ်းမြေ့မှုတွေကို လုံးဝ မခံစားခဲ့ရဖူးတဲ့အတွက် .. သူ့ဘ၀ရဲ့ နိဂုံးကရော ... ဖြစ်သင့်ရဲ့လား ... ။ ဒါမှမဟုတ် .. သူ့လို အညတြ တစ်ယောက် မရှိတော့တဲ့ အတွက် .. လောကကြီးက ပိုပြီးသာယာနာပျော်ဖွယ်ကောင်းလာသလား .. ။ ဘယ်သူမှ မမှားခဲ့တဲ့ ... ဒီအဖြစ်အပျက်မှာ .. တစုံတခုမှားယွင်းနေတာကတော့ ... ကျနော်ကိုယ်တိုင်ပဲ ဖြစ်ပါလိမ့်မယ် ... .... ...
မှတ်ချက်။ ။မစ္စတာရော့ခ်ကာ(မြန်မာချက်အွန်လိုင်း) ၏ခံစားမှုအား ပြန်လည်တင်ပြပါသည်။ (ကရင်)
Posted by
ကရင်
0 comments:
Post a Comment